Stefán Valdemar Snævarr

13.11.2008 | 11:57

Kap-ANON, félagsskapur meðvirkra aðstandenda kapítalista

Hér með tilkynnist stofnun Kap-ANON, félagsskaps meðvirkra aðstandenda kapítalista. Meðvirkni birtist meðal annars í viljaleysi til að horfast í augu við staðreyndir, t.d. þá staðreynd að Hringadrottinn og Bjargvargarnir einoka nú blaðamarkaðinn, Moggi og Fréttablað eru gengin í eina auðvaldssæng. Hinir meðvirku neita að horfast í augu við þá staðreynd að fokríkir fjárglæframenn eyðilögðu íslenskan efnahag, í stað þess er klifað á vonsku Davíðs, krónunnar og tilfinnanlegum skorti á ESB-aðild. Auk þess birtist meðvirknin í beinni aðstoð við einkafyrirtæki, t.d. þegar tugþúsundir manna skrifa undir áskorun um að hrekja RÚV af auglýsingamarkaðnum svo Skjár einn geti fengið að drekka í friði, ég meina svo Skjár einn fari ekki á hausinn.

Líklega þyrfti að smala stórum hluta þjóðarinnar á Kap-ANON fundi.

Flokkur: Stjórnmál og samfélag | Facebook

Athugasemdir

Blessaður Stefán.

Heldurðu að Egilshöllin dugi fyrir allan hópinn eða þarf að byggja stærra.? Kanski er hér komið kreppuráð handa verktökunum.

En hvernig lýst þér á nýjustu tiðindin. Mogginn er látinn leka að plan B er að ganga skilyrðislaust að kröfum ESB. Hvað segir heimspekin um þetta? Á að láta að vilja kúgara síns fyrir fyrir betri stöðu í núinu. Hafði Pétain gamli rétt fyrir sér þegar hann kom á legg Vichy stjórninni sálugu?. Hvert er siðferðið á bak við "if you can´t beat them, then join the"?. Gaman að fá pistil frá þér um þessi nýjustu tíðindi.

Kveðja að austan.

Ómar Geirsson (IP-tala skráð) 13.11.2008 kl. 12:31

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Stefán Valdemar Snævarr

Ég er prófessor emerítus í heimspeki við Háskólann í Lillehammer í Noregi, gamall og geðvondur piparkarl sem hef gaman af hressilegum kappræðum. Mín heilaga ferning er heimspekin, listirnar, mannkynssagan og stjórnmálin. Þess utan hef ég gaman af handbolta, gömlu rokki og góðum grínþáttum. Hvað pólitík varðar þá er ég ill staðsetjanlegur, hef boðað pólitíska efahyggju. Kalla mig samt stundum harðan miðjumann eða frjálslyndan jafnaðarmann með íhaldsívafi (NATÓ-krata). Hvað íhaldsemi varðar er ég unnandi íslenskrar tungu og hatast við enskusnobb. Ég gagnrýndi útrásarfimbulfambið í ræðu og riti um langt skeið. Ég er höfundur tuttuguogeinnar bókar, þær eru af ýmsu tagi, sú síðasta kom út í fyrra, fræðaskruddan The Poetic of Reason, fyrir nokkrum vikum kom út Á ekrum spekinnar. Vangaveltur um heimspeki. Árið 2010 fékk ég fyrstu verðlaun í ritgerðasamkeppni International Association of Aesthetics, í fyrra fékk heimspekiteymi, sem ég er hluti af, verðlanu sem rannsóknarteymi ársins við Háskólann minn. Svo fékk ég í janúar viðurkenningu frir ljóð í ljóðasamkeppni kenndri við Jón úr Vör. Ég má vel við una, fór á eftirlaun 1 ágúst, sæll og glaður.